«АВИЦЕННА АРУЫ – 2022»

17 наурыз күні Қалалық мәдениет үйінде Наурыз мерекесіне арналған «Авиценна» Жоғары медициналық колледжі» білім мекемесінің оқушылары арасында «Мисс Авиценна – 2022» атты сайыс өтті.

«Қыз өссе-елдің көркі» деп бабаларымыз айтқандай өнегелі сөздің астарында халқымыздың қыз баласын сұлулуық пен нәзіктікке балайтынын байқауға болады. Қазақ қызы десе жүзінде ұяңдық бар, әдепті де инабатты жан елестері хақ.

10 қатысушы бес кезеңнен тұратын сайыста өздерін көрсете алды. Сайыстын мақсаты қатысушылардың таланттарын ашу болып табылады. Олардың өнерін құрметті қазылар алқасы мұқият қадағалады, оның құрамына әкімшілік өкілдері мен колледж оқытушылары кірді.

Байқау қорытындысы бойынша қазылар алқасы шешім шығарып, жеңімпаз және «Авиценна Аруы – 2022» атағының иегері Л-102 тобының «Емдеу ісі» бөлімінің 1 курс студенті Қыдырбекова Алтынай атанды.

Л-101 тобынын оқушысы Серікқажиева Айгерім I вице-мисс атағының иегері атанды, II вице-мисс - БС-201 тобынан Сепказина Аружан, III вице-мисс - БЛ-302 тобынан Мұқышева Аяжан.