24.02.2023 жылы Авиценна Жоғары медициналық колледжінің 1 курс студенттері арасында кәусар сезім мен тояттамас көңіл, буырқанған шабыт пен сағыныш сыйлаған мұзбалақ ақын Мұқағали Мақатаевтың 92 жылдығына арналған «Мен – өмірді жырлау үшін келгенмін» атты көркемсөз шеберлері байқауы өтті.
Кешті өткізу мақсаты: Ақиық ақынның өмірі мен шығармашылығына шолу жасау. М.Мақатаевтың поэзиясының халыққа кең таралуының мәні және оның өміршеңдігінің сыры неде екенін таныту, сезіндіру.
Байқауға қатысуға 19 оқушы ниет білдіріп қатысты.
Байқау қорытындысы бойынша:
I орынды «Емдеу ісі» бөлімі Л-108 тобының студенті Айтжанов Аңсар,
II орынды «Стоматология» бөлімінің 1 курс студенті Қадырбекова Ұлжан
III орынды «Мейірбике ісі» бөлімінің 1 курс студенті Зайнолдина Әдемі иеленді.
Ақиық ақынның туған күніне орай өткен шарада оқушылар Мұқағали жырынан шашу шашып, көпшілік қауымның ыстық ықыласына бөленді. Жеңімпаздарға диплом және естелік сыйлықтар табысталды.